Q3. தெலங்கானா மாகாணத்தின் மாவட்டங்களும் அவற்றின் முக்கியத்துவம் யாது?
1. அடிலாபாத் : சுமார் 45 சதவிகிதம் வனப்பகுதி - மர வேலைப்பாடுகளும், விளையாட்டுப் பொருட்கள் (கைவினைப் பொருட்கள் தயாரிப்பில் முன்னணி மாவட்டம் - பொச்சேரா, குண்டாலா நீர்வீழ்ச்சிகள், சில வனவிலங்கு சரணாலயங்களும் சுற்றுலா தலங்கள்.
2. ஹைதராபாத் : தலை நகரம் - (ஆந்திரப்பிரதேசம் பகுதியில் இந்த நகரத்தைப் பற்றி கொடுக்கப்பட்டுள்ளது). இது தெலங்கானா மாவட்ட்த்தின் நிரந்தர தலை நகரம்.
3. கரீம் நகர் : அடிலாபாத், மகாராஷ்டிரா, சத்தீஸ்கர், வாரங்கல், மேடக், நிஸாமாபாத் இதன் எல்லை. பொருளாதாரத்தில் பின் தங்கிய மாவட்டம். சில கோட்டைகளும், ஹிந்து கோயில்களும் முக்கிய சுற்றுலா தலங்கள். விவசாயம், சிங்கரேணி நிலக்கரி சுரங்கம், ராம குண்டம் அனல்மின் நிலையம் மற்றும் வெள்ளி கை வேலைப்பாட்டு பொருட்கள், மற்றும் சிமெண்ட் தொழிற்சாலை.
4. கம்மம்: ஆந்திரப்பிரதேசம், நல்கொண்டா, வாரங்கல், சத்தீஸ்கர் இதன் எல்லை, கோதாவரி முக்கிய ஆறு, சிங்கரேணி நிலக்கரி சுரங்கம், கோத்தகுடம் அனல்மின் நிலையம் இங்கு அமைந்துள்ளது. மாம்பழம், முந்திரி, தென்னை, கோக்கோ, மிளகு ஆகியவை முக்கிய விவசாய பயிர்கள். கம்மம் கோட்டை, பத்ராசலம் ராமர் கோயில் ஆகியவை முக்கிய சுற்றுலா தலங்கள். கோயா, கொண்டா ரெட்டி, மற்றும் லம்பாடா மலைவாழ் மக்கள் அதிகமாக வாழ்கின்ற பகுதி.
5. மகபூப் நகர் : ஆந்திரப்பிரதேசம், மகாரஷ்டிரா, ரங்கா ரெட்டி மற்றும் நல்கொண்டா மாவட்டங்கள் இதன் எல்லை. முன்பாக இது ருக்கம்மாபேட், பலமூர் எனவும் அழைக்கப்பட்ட மாவட்டம். விவசாயம் முக்கிய தொழில்.
6. மேடக் : மகாராஷ்டிரா, ரங்கா ரெட்டி, நல்கொண்டா, வாரங்கல், கரீம் நகர், நிஸாமாபாத் இதன் எல்லை. இதன் தலை நகர் கங்கா ரெட்டி நகரம். பொருளாதாரத்தில் மிகவும் பின் தங்கிய நகரம். விவசாயமே முக்கிய தொழில்.
7. நல்கொண்டா : ஆந்திரப்பிரதேசம், மகபூப் நகர், ரங்கா ரெட்டி, மேடக், வாரங்கல், கம்ம ம் மாவட்டங்கள் இதன் எல்லை. நெல், பருப்பு வகைகள், எலுமிச்சை / சாத்துக்குடி, எண்ணெய் வித்துக்கள் முக்கிய பயிர். நாகார்ஜுனா சாகர் அணை (கிருஷ்ணா நதி) இந்த மாவட்ட்த்தில் உள்ளது. சில்க், வெல்லம், தோல், சிமெண்ட் மற்றும் அரிசி ஆலைகள் முக்கிய தொழில். போச்சம்பள்ளி மற்றும் புட்டபக்கா புடவைகளுக்கு புகழ்பெற்ற மாவட்டம். புவனகிரி, சமஸ்தான் ராயபேட்டா கோட்டைகள், சில ஹிந்து, ஜெயின் கோயில்கள் முக்கிய சுற்றுலா தலங்கள்.
8. நிஸாமாபாத் : மகாராஷ்டிரா, அடிலாபாத், கரீம் நகர், மேடக் மாவட்டங்கள் இதன் எல்லை. நீர்ப்பாசன வசதிகள் நிறைய இருப்பதால் விவசாயம் முக்கியத் தொழில். கரும்பு, மஞ்சள், நெல் தானிய வகைகள் மற்றும் அனைத்து காய்கறிகளும் முக்கிய பயிர் வகைகள். சர்க்கரை ஆலைகள் மற்றும் இதர தொழிற்சாலைகளும் நிறைந்த மாவட்டம். சில சிறிய அளவிலான சுற்றுலா தலங்களும், கோவில்களும் உள்ளன.
9. ரங்கா ரெட்டி : மகாராஷ்டிரா, மகபூப் நகர், நல்கொண்டா, மேடக் மாவட்டங்கள் இதன் எல்லை. தலை நகர் ஹைதராபாத் அமைந்துள்ள மாவட்டம். விக்கராபாத் இதன் தலைமையகம். சிமெண்ட் மற்றும் ரசாயன உர தொழிற்சாலைகள் உள்ளன.
10.வாரங்கல் : கம்மம், நல்கொண்டா, மேடக் மற்றும் கரீம் நகர் மாவட்டங்கள் இதன் எல்லை. காகத்தியா சாம்ராஜ்யத்தின் தலை நகர். ஆந்திராவின் முதல் தலை நகரும் கூட. இந்த நகரம் UNESCO-வால், ஒரு புராதன நகரமாக 2013 பிப்ரவரியில் அறிவிக்கப்பட்டுள்ளது. கோதாவரி நதியால் விவசாயம் முக்கிய தொழில். ஆயிரம் கால் மண்டபம், வாரங்கல் கோட்டை, ராமர் கோயில் பக்கால் ஏரி போன்ற சில சுற்றுலா தலங்கள் உள்ளன. பல கல்வி நிலையங்களும் உள்ளன." "
